ဘီလျံနာ ဒေါ်နယ်ထရမ့် အနေနဲ့ ပြီးခဲ့တဲ့ တောင် ကာရိုလိုင်းနားနဲ့ နယူးဟမ့်ရှိုင်းယား ပြည်နယ် နှစ်ခုမှာလည်း အနိုင်ရခဲ့တဲ့အတွက် အခုတခါနဲ့ဆို ရီပတ်ဘလီကန်အတွက် သုံးကြိမ်ဆက် အနိုင်ရတာ ဖြစ်ပါတယ်။
မဲရေတွက်မှုတွေ အပြီးမသတ် သေးတဲ့ အတွက် ဒုတိယနေရာ ကိုတော့ တက် ခရုဇ်နဲ့ မာကို ရူဘီယို တို့နှစ်ဦး အကြား ရလဒ်တွေ အကြိတ်အနယ် ဖြစ်နေပါတယ်။
ပြည်နယ် အများအပြားက ပါတီကိုယ်စားပြု သမ္မတလောင်းကို တစ်ပြိုင်တည်း ရွေးချယ်မယ့် Super Tuesday လို့ ခေါ်တဲ့ မတ်လ ၁ ရက်နေ့မှာတော့ ၁၁ ပြည်နယ်က ရွေးချယ်ဖို့ ရှိနေပြီး၊ အဲဒီ မတိုင်ခင် တစ်ပတ်သာ လိုတော့ချိန်မှာ ဒေါ်နယ် ထရမ့်က နီဗာဒါ ပြည်နယ်အတွက် အခုလို အနိုင်ရလိုက်တာလည်း ဖြစ်ပါတယ်။
တစ်ခါ ပါတီ အားလုံးကို ထောက်ခံသူတွေ ညီတူမျှတူ ရှိနေတဲ့ နီဗာဒါ ပြည်နယ်ရဲ့ မဲရလဒ်က တစ်နိုင်ငံလုံးရဲ့ ဆန္ဒသဘောထားကို တခြား ပြည်နယ်တွေထက် ပိုထင်ဟပ်တယ် လို့လည်း သုံးသပ် သူတွေက ပြောကြပါတယ်။
မစ္စတာ ထရမ့်က သူ့အနေနဲ့ ပါတီ ကိုယ်စားပြု သမ္မတလောင်း တကယ် ဖြစ်လာဖို့ လမ်းကြောင်းမှန်ပေါ် ရောက်နေပြီလို့ သူ့ကို ထောက်ခံသူတွေကို ပြောပါတယ်။
အမေရိကန်မှာ ပြည်နယ်အဆင့် ပါတီကိုယ်စားပြု ရွေးကောက်ပွဲတွေ လုပ်ရတဲ့ ရည်ရွယ်ချက်က လာမယ့် နိုဝင်ဘာ သမ္မတ ရွေးကောက်ပွဲမှာ ရီပတ်ဘလီကန်နဲ့ ဒီမိုကရက် ပါတီတွေက ဘယ်သူတွေကို ပါတီ ကိုယ်စားပြု သမ္မတလောင်းတွေ အဖြစ် ဝင်ပြိုင်စေမှာလဲ ဆိုတာ ရွေးချယ် နိုင်ဖို့ ဖြစ်ပါတယ်။
BBC Burmese
No comments:
Post a Comment